Historia de Moldavia

La historia de Moldavia remóntase a la década de 1350, cuando foi fundáu'l Principáu de Moldavia, el precursor medieval de la Moldavia y la Rumanía modernes. Sicasí, el territoriu de l'actual Moldavia foi habitáu na antigüedá polos dacios, y pol so allugamientu sobro una ruta estratéxica ente Asia y Europa, Moldavia foi víctima de numberoses invasiones, incluyendo'l Rus' de Kiev, los mongoles, Hungría, Polonia, l'Imperiu otomanu, finalmente Rusia.

La mayor parte de l'actual Moldavia, d'antiguo conocida como Besarabia, yera parte del Principáu de Moldavia dende la so fundación hasta la so anexón per parte del Imperiu rusu, como resultáu de la Guerra ruso-turca (1806-1812). Por ello, l'heriedu cultural del Principáu de Moldavia caltiénse como nucleu de la identidá moldava de Moldavia, a pesar de que l'estáu socesor del Principáu de Moldavia ye Rumanía, dempués de la unión ente los principaos Valaquia y Moldavia, en 1859.